祖兒酒店怪嚇 停電夜驚魂
容祖兒擔演的英皇新戲《DIVA華麗之後》即將上映，對票房全無壓力的她，期望能在影壇獎項方面作「零的突破」。日前在內地公幹，祖兒遇上停電驚魂，更試過棄床「打地鋪」，難怪直言此行思鄉病發！
祖兒昨偕同師弟陳家樂及冼色麗為主演的英皇新戲《DIVA華麗之後》宣傳，席間與小朋友大玩遊戲，場面熱鬧。祖兒接受訪問時自爆拍攝期間因劇情需要而情緒波動，收工後經常躲在酒店房狂哭，曾擔心自己患上抑鬱症，猶幸監製杜汶澤指整體效果不錯。當問到有否票房壓力時，她答：「還可以，但（票房）應該唔會太差，聽講依家有600幾萬（票房）就好好，我淨係希望唔使蝕錢。」祖兒入行以來未試過在電影方面有獎項提名，她直言希望今次有所突破，還打趣謂對主題曲獎項競逐信心十足。
棄床打地鋪
最近祖兒經常外出公幹飛唔停，她透露有意向公司請假休息一個月。而日前她在內地入住酒店遇上停電，令自己心魔再現：「因為年前試過畀個唔識嘅人入咗酒店房，加上歌星李玟最近又遇到酒店醉客，一停電我就擔心，會唔會又走咗啲咩人入嚟。」她續謂對酒店提供的床鋪軟硬程度不太適應，結果要「打地鋪」，認真慘情。
同場的陳家樂則透露為即將開拍的新劇健身，狂飲奶粉谷胸肌至流鼻血。文：影視組