湯洛雯病都贏坐軍機起飛
昨日《2012香港小姐競選》十強佳麗完成泰國外景拍攝返港，前日她們到皇家泰國空軍訓練基地進行體能比賽，結果患上腸胃炎的「病貓」湯洛雯也照樣勝出，能登上花式表演軍機，繼續搶風頭。
前日十位決賽佳麗在曼谷進行最後一日拍攝，她們獲邀進入皇家泰國空軍訓練基地，成為首批到訪該基地的外賓，眾佳麗換上空軍制服在基地進行體能比賽，最終由患上腸胃炎的湯洛雯勝出，能登上花式表演軍機，體驗花式飛行動作，繼續做風頭躉，得大會寵愛的湯洛雯昨日返港受訪說：「坐咗軍機20分鐘，好好玩，係好難得嘅體驗，但係可能食得辣嘢多，患咗腸胃炎上吐下瀉。」對於被指遭海外佳麗排斥，湯洛雯指大家相處融洽，沒有不和。
湯鎮宗缺席決賽
日前有報道指湯洛雯父親湯鎮宗在內地「甩底」宣傳劇集遭追討，湯洛雯說：「冇聽爸爸講過，唔會擔心，佢唔講應該冇事，佢識處理，返屋企了解吓。」有指湯洛雯透露父親不會親臨欣賞決賽，問是否為避「造假」之嫌？她說：「佢要拍劇行唔開，冇辦法啦。」
曾明俐水着出術
候選佳麗中，身材最豐滿的曾明俐日前穿三點式泳裝被指「出術」裝胸作勢，她回應謂：「有加墊，但係泳衣係公司提供，唔係自己泳衣。」她又否認眾海外佳麗聯手孤立湯洛雯和陳潔玲，指拍攝外景時大家也有傾偈、影相。對於素顏照曝光，曾明俐信心爆棚說：「有冇化妝都分別唔大，平時自己都係化淡妝，報道搵嘢嚟寫，唔會因為呢啲報道唔開心。」
港姐大起底
爆料熱線：3600 1022
爆料傳真：3600 1000
爆料email： entertainment@opg.com.hk
文：影視組