吳千語搭順「峯」車升呢

吳千語（Karena）早前與林峯撐枱腳斷正，兩人瞬即傳出緋聞，前晚Karena出席活動時，被問到有關事件，她說：「我哋係食過幾次飯。（單獨？）我哋有個Common friend喺外國返咗嚟，嗰日好大雨，佢Gentleman先車埋我。（你哋點識？）拍戲識，之前喺杭州拍戲時都有成班人一齊出去。（唔驚陳嘉桓橫店事件？）唔驚，老闆都喺度。（林峯係咪追你？）唔係，我feel唔到佢追我。（你哋有無發展機會？）食餐飯啫，冇諗有冇發展機會。」

光明正大唔怕被影

Karena坦言跟林峯「幾好朋友」，兩人早就交換了電話，又讚對方幾好人、幾好傾。至於可會覺得林峯年紀大她很多，她說：「最緊要大家傾到偈。（唔排除有發展可能？）無諗咁多。（嗰日畀記者影到好驚？）當時無諗過會有記者出現，所以嚇一嚇。（光明正大影到都無問題？）係，所以我哋嗰日都無分開走。」提到林峯另一緋聞女友劉羽琦指林峯花心，Karena表示並不認識對方。

林峯（右）及Karena（左）因拍戲而結識，同片還有排中間的熊黛林。

Karena（左起）與公司太子爺黃子桓及經理人外出晚膳。

親送返歸照顧周到

雖然Karena強調跟林峯只是飲食朋友，但兩人的緋聞已令她即時升呢，成為「峯女郎」之一的她更獲太子爺親自照顧。前晚活動後，Karena上了一部七人車，與經理人一起到灣仔藝術中心，原來約了老闆黃百鳴的兒子黃子桓晚膳。

三人上的士，原來是送Karena回家，下車後Karena從黃子桓手上取過一袋東西才上樓。

放大圖片

三人用餐至晚上十時半左右齊齊離開，落樓時還邊行邊傾，細聲講大聲笑，表現愉快。之後太子爺就與Karena及經理人一起上了的士，親送Karena返回位於銅鑼灣的寓所。

文：名人組　

攝：追蹤組