杜汶澤短訊洩密激走田蕊妮
杜汶澤（阿澤）昨聯同陳家樂及冼色麗，出席「奧海城X2012夏日國際電影節」記招，宣傳英皇新片《DIVA華麗之後》，場面熱鬧。對於記者問到吳卓羲等捲入桃色陷阱，阿澤即幫口謂：「我喺佢哋嘅年紀仲瘋狂啦。」他不諱言當年遇上飛來蜢，手機分別用大細楷A代表田蕊妮及新歡，一次收到後者短訊卻被阿田察覺，大興問罪更搬離愛巢，結果他花上不少心血，才箍煲成功。阿澤續謂：「嗰時未結婚。（你咁蠢？）佢哋（指男星們）依家都唔見得聰明啫。飛來蜢係吸引，但要諗清楚承唔承擔得起後果！」
祖兒羨慕恩愛
阿澤又謂容祖兒表示過羨慕二人如今夫妻恩愛，他惟有勸勉對方：「你喺事業上花咗幾多時間，就等如阿田用喺我身上一樣，苦處不足為外人道。」另外，大會找來楊千嬅拍攝短片支持「夏日國際電影節」，千嬅明顯產後未修身，但精神狀態不錯。
身為《DIVA》女主角的容祖兒昨缺席宣傳活動，最近她為音樂平台拍攝廣告，稍後亦會舉行相關音樂會，與粉絲交流。
文：影視組