姚樂怡稱遭交警無禮對待
姚樂怡昨於微博留言遭交通警員無禮對待，她於電話講述當時情況說：「我揸車喺高速公路上被交通警急速切線截停，差啲撞埋一齊，佢一開口已經好兇狠咁話我講電話，我話冇，佢就好大聲咁叫我攞車牌出嚟，我叫佢可以去查番電話公司紀錄，我肯定冇講電話，佢都繼續好大聲咁講嘢，之後我搞清楚，原來揸車期間只要掂到個電話都已經有問題。」
姚樂怡揚言明白自己出錯，但覺得該交警態度不用那麼差，她說：「我當時都有話佢嘅態度好差，佢叫我投訴佢，仲叫我call記者佬嚟，我唔明白點解要call記者同埋叫記者做『佬』？（會唔會投訴佢？）仲考慮緊！」