楊天經趕做老竇偷步做人

陳寶珠兒子楊天經與圈外女友吳文珊昨日舉行婚宴，在君悅酒店筵開35圍，由於寶珠在梨園及演藝圈中人面甚廣，所以到場賓客甚多，如寶珠恩師白雪仙、梅雪詩（阿嗲）、「七公主」之一的薛家燕、林家聲、楊受成夫婦等到賀，蕭芳芳則派出丈夫張正甫出席，不少親戚亦專程從外國返港，榮升奶奶的寶珠High爆滿場飛招呼賓客，並為新娘珊珊細心整理眼睫毛，足見婆媳關係和睦。

自認縱BB

新郎天經直言心情緊張，最近瘦了七磅又爆瘡，並透露酒席及首飾均由母親寶珠送贈，問到媽咪有何訓言？他說：「佢希望我哋身體健康同愛大家。（催你生BB？）冇！我都想，『開緊工』喇！生一個就夠！我同媽咪講我會好縱個BB，點知佢話都會好縱，所以教仔都係留畀珊珊。」他透露早上接新娘時，一眾兄弟團包括馬浚偉為他啃朱古力撈七味粉等難頂食物，最後以「大四位數」的開門利是接過珊珊。

寶珠獲天經及新抱獻吻，一臉冧樣。

寶珠細心為新抱整理眼睫毛。

心情興奮的寶珠被問到天經已開工造人，她笑說：「一路都好似開緊o架喇！（抱多幾個孫？）唔到我話事。（畀個孫做粵劇？）睇佢有冇興趣先。」

白雪仙（右）見證徒孫天經成婚。	行動不便的林家聲在人攙扶下出席婚宴。	薛家燕和志偉亦有到場祝賀新人。

親為子上頭

寶珠又說只得天經一粒仔，所以送了不少首飾，並透露前晚為天經上頭時一度想喊，但她因忙住記步驟而無暇理會：「應該要搵好命婆梳，雖然我冇丈夫，但見囝囝都好順利好多人錫，咁不如我嚟啦！」至於天經則笑言上頭時沒有喊但有聲震震。

賓客黎耀祥及曾志偉均表示送現金，問到會否傳授生仔秘方予天經？祥仔說：「後生仔有心有力，希望寶珠姐快啲抱孫，我下次嚟飲滿月酒。（你好鍾意飲？）等個圈多啲喜事，唔好咁多衰嘢吖嘛！」志偉則笑言早前擺烏龍記錯日子，於本月9日盛裝到場，而他昨晚則未能到北京為導演鍾澍佳做證婚人。

文：影視組