飾搶風頭
喜愛把髮型玩得千變萬化，除了set出style的髮型外，亦可挑選別致的髮夾、時款的頭箍、或戴上帽子等作裝飾，就等如穿上不同的漂亮「衣服」一樣。要配襯得合適及好看的「衣服」不容易，絕對是一門高深的學問。以高貴造型亮相的星級典範謝婷婷、俄羅斯名模Natalia Vodianova及其他星的髮飾造型，就讓時裝blogger Janice給美女們寶貴的意見吧。
謝婷婷
「讚！着得好靚、十分girlish！個頭箍襯埋條裙，帶出女性化嘅女孩味。而條裙本身已經好靚，加上佢皮膚夠tan，身材比例樣樣都好標準，carry得非常好，完全唔會出錯。」
薛家燕
「好有新娘感覺，家燕姐向來畀人歡樂感覺，佢着到好似嘉年華會，但整體服裝同頭飾都好合襯。」
林莉
「local味太重，較為有點老土。髮型set咗公主頭已經夠複雜，仲要戴上呢個頭箍，搞到成個feel娘咗。」
Kyarypamyupamyu
「好可愛，佢向來都走呢個路線。頭飾同套衫非常之配合，帶出咗日本街頭風格，所以唔會咁易出錯，carry到個感覺出嚟。」
薛凱琪
「冇咗高貴嘅感覺，髮型已經電到卷曲，突然加個噴泉頭飾感覺好騎呢。而條裙都出咗事，唔應該笠個膠袋上去，令到級數降低咗。」
李冰冰
「70年代feel，好似時光倒流。無論帽、衣着同個pose都有復古感覺，似乎欠缺時代感。雖然依家興復古風，但應該加入新元素。」
Natalia Vodianova
「着得好睇，成個感覺係高貴大方嘅淑女。雖然條裙好簡約，但係配合埋今季興嘅花頭飾，有時尚感得嚟有品味，整體打扮絕對適合佢嘅身份。」
王麗儀Profile
王麗儀（Janice Wong），時裝作家及博客（blogger），16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判；另外，美國CNN旗下亞洲生活時尚網站稱她為「香港首位真正的時裝權威」。