Mia上露下透射濕身

模媽陳靜儀(Mia)前晚與師妹澳洲新八模穿性感透視睡衣出席寫真祝捷派對,同門師姐何佩瑜(Jeana)、組合Bro 5成員Dominic和喇英、監製錢國偉及曾與Mia傳緋聞的周秀娜男友陳偉成(Avis)均到場支持。

雖然眾女均穿睡衣上陣,但Mia狂谷三寸事業線,兼且透出誘人白色內褲,又落場打碟,搶盡風頭。相反衣着密實、只露玉背的Jeana明顯失色。眾人開香檳慶祝時情緒high爆,互相噴射香檳,模媽Mia與新八模成員Mia都在混亂中雙雙跌倒地上。

內地打碟險遭狼抱

Mia透露日前到內地打碟時險遭狼抱,她說:「尋日返內地打碟,我喺台上打打吓碟時,突然有個男人衝上嚟想攬住我,好驚!現場有八、九個保安,但佢都衝到上嚟,佢應該係飲咗酒,好彩我隔籬個男助手一手拉走咗佢,好勁!(個男人有冇掂到你?)冇。我決定要學詠春,同埋叫公司請個南亞裔人保護我。」

有指Mia搶周秀娜男友,Mia說:「Avis係我緋聞男友,緋聞即係唔係真嘅,係煙幕!我離婚後對拍拖有啲恐懼症。做呢行預咗會聽到啲難聽嘅說話,我聽慣咗,會左耳入右耳出,把口生喺人哋度,做好自己就得。」

文:名人組