劉嘉玲sms慰問Bosco
曾將黃宗澤（Bosco）封為「新一代殺手」的劉嘉玲，昨晚出席活動時，仍大讚對方成熟具魅力，並為對方情變講好說話，認為每段感情都有不同的化學作用，且已發sms慰問對方。
早前嘉玲位於上海的夜店開幕，請來黃宗澤任嘉賓，嘉玲即時在微博封對方為「新一代殺手」，魅力能殺人於無形。昨晚嘉玲出席時裝活動時，重提早前上海活動當晚，才是她第一次認識對方，對於Bosco與胡杏兒分手一事，她亦略有所聞，認為每段感情只有當事人最清楚，故不便評論，但仍感到好可惜。
讚杏兒好女仔
問到在上海夜店當晚，Bosco是否惹來很多美女埋身？嘉玲說：「唔單止女仔，男男女女見到佢都尖叫，我好多朋友都係佢fans，佢好成熟，好有男人味，好有魅力嘅演員。」記者叫她教Bosco點防止美女埋身，她說：「根本冇資格評論人，每段感情都有唔同嘅化學作用，傳咗短訊問候佢，同杏兒唔係好熟，但杏兒都係個好女仔，好演員。」
同場的陳豪表示剛從新加坡返港，聽到Bosco和胡杏兒分手的消息也感到不開心，希望兩人重拾心靈和心情。
問到女友陳茵媺會否擔心他北上工作惹狂蜂浪蝶？他大派定心丸說：「大陸係我賺錢嘅地方，受到引誘係個人問題，（話佢哋受唔到引誘？）唔可以咁講，藝人應該專注工作，私生活應該放鬆啲，自己就係咁悶嘅人，淨係識得飲咖啡。」
陳豪冇女埋身
問到陳茵媺是否對他投下信心一票？陳豪說：「佢唔需要擔心，我淨係識飲咖啡。（大陸有冇女仔埋身？）烏蠅曱甴都冇，淨係有fans打招呼。」同場還有熊黛林及Ball后薛芷倫及女兒馬桂珩，馬桂珩在外國修畢英國文學返港，現正在香港大學修讀傳理系碩士，志願將來做時裝雜誌。
文：名人組