樂易玲：個個細個都沙沙滾
無綫高層樂易玲前晚出席電台活動，她表示與黃宗澤及胡杏兒有聯絡，並指明白杏兒心情：「如果我係佢阿媽，我都會贊成杏兒咁做。多年來佢覺得冇安全感，唔可以繼續落去，有幾愛都要放低。」她坦言男方錯在未能給予杏兒安全感，但希望二人可以復合。
提到黃宗澤連嗒三女，樂易玲即力撐對方：「講緊好多年前，一定唔係呢幾年。個個細個都沙沙滾，唔應該拎出嚟講！杏兒同佢一齊咁多年，佢當時原諒咗，唔覺得佢哋分開因為呢個問題。」至於林峯被指邀請劉羽琦到寓所及被指花心男，她說：「佢仲敢花心呀？（叫佢小心啲？）嗰個（劉羽琦）好似係佢堂妹林夏薇嘅朋友，唔緊要啦，拍完《喜愛夜蒲2》都要宣傳嘅。」