黃宗澤眼濕濕：希望復合！

Bosco與胡杏兒分手後，男方只在電台交代事件後一直潛水。昨午二時他頭耷耷沒精打采，鼻頭爆瘡又現黑眼圈抵機場，出發到台灣拍攝劇集《麵包樹上的女人》。全程笑容欠奉的他被問心情是否好了一點時，他謂：「都係咁啦！」提到內地女星柳岩哭訴沒有拆散她與杏兒，Bosco說：「我冇乜留意新聞，分手係兩個人嘅事，牽連咗好多人，唔好意思。」他又稱與柳岩不熟，除拍攝時的兩、三天外，之後便沒見面。對於被指有不少女伴，Bosco謂：「呢個我之前交代咗，同杏兒有共識唔會再講。（影響形象？）有心理準備，事情應該告一段落。」提到杏兒奪視后時指他難頂，他坦言：「我性格都幾難頂。（改善？）每日都要進步。」

承認短訊溝通

問會否追番杏兒？Bosco說：「呢啲遲啲先講！（第三者介入？）唔係，我同杏兒一齊傾過點同大家交代，之前我喺電台講咗，唔再講。」提到樂易玲希望他們復合，他稱：「希望啦！遲啲先講。（樂小姐話同你傾偈時你喊。）分手喊係好平常！」再問他是否仍對杏兒有感覺？他嘆氣想了想才說：「呢啲唔想再講，唔好意思。」

每當提及杏兒，黃宗澤都扁嘴表現無奈。	有指杏兒因缺乏安全感而提出分手。（資料圖片）	黃宗澤抵機場時頭耷耷，似受情傷致沒精打采。

提到杏兒曾表示視他為結婚對象，Bosco忍不住眼泛淚光地說：「唔想再講。（媽咪有冇問？）佢都冇乜問過，不過尋日媽咪坐我車出街，有記者跟住，佢差啲跣親，希望大家畀啲空間佢。」問有否跟杏兒聯絡時，他承認有以短訊溝通如何處理事件。

杏兒冇安全感

另外，提到他、林峯及吳卓羲均被指與內地大胸女星撻着，Bosco稱不想評論其他人，但記者指他是其中一人，他才說：「總之唔係咁。（減少北上避是非？）呢啲往後再講。（邊個提出分手？）同杏兒有共識唔想講。（去台灣同杏兒聯絡？）呢啲畀番我哋私人去諗啦。」他又稱柳岩已完成拍攝，故沒機會同場。據知，杏兒今次決定斬纜，除了長期與男方兩地分開工作外，更因Bosco經常傳緋聞，令她缺乏安全感，長期處於不快狀態，因此她在個多月前提出分開冷靜，但沒設冷靜限期，若有緣便復合。

而《麵》劇組發出聲明，指Bosco拍攝時很專業，對於藝人個人感情生活，與劇組其他演員沒有任何關係。另有報道指杏兒患抑鬱症需服藥，她昨日以短訊回覆「不回應了」。

文：影視組