寇鴻萍自認金龜 撐女冇畀人嫌棄
近日有周刊指寇鴻萍長女唐貝詩（Lydia）搭上新歡Andy Cheung，而張父卻嫌棄爛蒲Lydia而下令不准公開戀情，記者致電寇鴻萍，她說：「好差，亂寫亂踩人！冇人嫌棄我兩個女，亦冇嫌棄人！（識Andy？）Lydia全部朋友我都識，成日叫佢哋有冇男朋友都唔好同我講，佢哋身邊太多朋友。」
她表示非常生氣：「報道連我都講埋，釣咩金龜？我哋使乜釣咩金龜，我哋就係金龜！」她不停強調：「邪不能勝正！生日飲嘢都叫爛蒲？兩個女正常到不得了！（Lydia唔開心？）我叫佢唔好睇，唔想影響佢心情。」問會否採取法律行動控告周刊？她說：「如果影響得佢太緊要，會交畀律師研究吓。」