陳偉霆恨阿Sa打氣睇老闆頭
陳偉霆（William）和吳浩康（Deep）昨出席籃球賽記者會，兩人將代表英皇明星隊出戰，William不敢點名要女友蔡卓妍（Sa）來做「啦啦隊」，Deep打算扮傷避免與老闆楊受成對戰。
英皇集團主席楊受成昨日率領旗下歌手陳偉霆和吳浩康出席「亞洲職業籃球英皇盛世七十載金杯挑戰賽」記者會，賽事於9月12日舉行，William和Deep則是籃球賽大使，William稱讀書時不是校隊，因此近日已和Deep、Dash＠Mr.練波，但已不小心拗柴，擔心有失大使身份。可想有啦啦隊現場打氣？William謂：「想喎！（搵阿Sa囉？）呢啲唔係我控制，係老闆點名，我負責落場打波。」幫阿Sa爭取？在旁的Deep幫口說：「專心打好波先，打籃球係男人嘅事Is Man Game。」
提難頂○嘴
對於老闆楊受成打算落場參賽，William則揚言應該是同一隊，Deep卻指老闆屬「元老隊」是敵對，並抵死謂：「我都係扮受傷啦。」此外，提到黃宗澤（Bosco）和胡杏兒八年情玩完，Bosco自責「難頂」，問William可是難頂一類？他說：「我難頂都唔講出嚟，我會檢討吓嘅。」阿Sa是難頂女友？William即○嘴扮聽不到，十分搞笑，而Deep被問到前女友莊思敏可有小姐脾氣時，他則讚對方好好，他只會記好的事。
楊受成上陣
至於楊受成則表示球賽當天亦會「粉墨登場」參與賽事，因讀書是校隊一直是籃球發燒友。問到其自傳《爭氣》銷量？楊生表示：「書展應該幾好，但未問數字。（再出版新書？）出自傳要幾年時間，冇十年八載都唔會出住。」
文：音樂組