杏兒嗌難頂 埋分手伏線
黃宗澤（Bosco）與胡杏兒於2004年拍劇撻着，由最初極力否認拖友關係，至近年公然打情罵俏，這對螢幕情侶形象早已深深烙印在每個觀眾的心中，惟原來去年尾杏兒奪視后時發表的「難頂宣言」，已為這段八年情埋下爆煲伏線。
相士話
胡杏兒與黃宗澤拍拖多年亦分手收場，堪輿學家陳子才稱：「今年同明年雖然係杏兒嘅結婚年，不過佢今年命盤嘅夫星亦相沖，所以唔結婚就會分手。黃宗澤嘅結婚年係2014、2015年，不過兩人亦有可能會喺2014年各自遇上新嘅姻緣。」
戲假情真
2004年：Bosco與杏兒合作《我的野蠻奶奶》時被傳戲假情真，據知，當時Bosco在三個月內狂發六百條短訊狂追杏兒，事後男方亦承認確有其事，但解釋只是工作需要。
螢幕激吻
2007年6月：Bosco與杏兒為劇集《野蠻奶奶大戰戈師奶》到城門河邊拍攝一場激咀戲，二人先在河邊互相擁抱繼而激咀。當正式埋位時，他們亦顯得駕輕就熟，並齊聲表示因太熟落而不會尷尬。
力撐個唱
2009年12月：杏兒舉行處女音樂會，撞正Bosco正日生日，他以「主人家」身份到台前送花兼獻吻，並跟印有杏兒樣的tee作咀狀，戀情浮面。惟杏兒完騷後例牌否認：「係螢幕情侶囉！」
高調置裝
2011年2月：兩人高調到人山人海的銅鑼灣揀新裝，杏兒更全程含情脈脈做跟得女友，不時向男友眉目傳情，但當Bosco被追問是否想乘機公開戀情時，他只笑笑口謂：「唔係，唔係。」
女上男下
2011年6月：杏兒被指搬到Bosco屋苑樓上，以「女上男下」方式進行全天候監察，杏兒甜笑回應：「因為之前住嘅屋苑外牆裝修，烏煙瘴氣，以前去過佢屋企覺得幾光猛，咪搬過去囉！」
認出短脷
2011年11月：杏兒於無綫台慶玩遊戲時，要從幾位男藝員中揀出哪條是Bosco的脷，她一揀即中：「因為佢條脷好短！」Bosco聞言即扮嬲大叫：「你知唔知男人最忌畀人話短……條脷！」
難頂宣言
2011年12月：杏兒於《萬千星輝頒獎典禮2011》獲頒「最佳女主角」，面向Bosco方向撒嬌：「我知自己有好多缺點，好難頂！但你都好多缺點，好難頂！但希望我哋一路頂住大家。」
一家四口
2012年1月：Bosco與杏兒出席活動與兩位小朋友合照，被取笑一家四口。提到杏兒於劇集《換樂無窮》被李思捷狂按胸部急救，Bosco得悉後呷醋，坦言覺得「個心唔舒服」！
愛的耳環
2012年2月：Bosco自爆遺失價值十萬元的鑽石耳環，之後出席活動時透露生日收了杏兒送的一卡鑽石耳環補數。他甜笑說：「女人真係好嘥錢，明明我已經自己買番隻，佢又去買。」