楊柳青無辜做小三
模特兒兼Now主持楊柳青（Wiyona），早前與李克勤等主持歐國盃節目時，竟被指是已婚的前國際球證陳譚新的女友，Wiyona說：「因為喺節目度我要扮成好仰慕陳Sir，所以就畀其他人起咗個『朵』叫我做陳譚新女友，其實大家都知係講笑，不過都幾尷尬，陳Sir係前輩，同埋佢結咗婚，攞嚟玩好似唔係咁好。（驚陳太誤會？）唔會，大家都明白係工作。」
Wiyona現正主持三個不同類型的節目，模特兒出身的她最愛還是Modeling，多數是拍電視和平面廣告，卻從未想過當主持，她說：「我轉數唔夠快，講嘢又唔叻，做主持對我嚟講係個挑戰，要識執生。初時都撞過好多次板，又試過訪問黃秋生同叻哥（陳百祥）呢啲講嘢好搞笑嘅嘉賓，引我笑到唔識反應。」
