葉蒨文拉傷筋老公唔知
天后葉蒨文（沙麗）昨午出席電台訪問，表示正為9月的演唱會作準備，現努力學習拉丁舞的她說：「之前冇學過拉丁舞，依家好努力學緊。有次學舞拉親條筋，要去睇醫生，休息咗5日，依家好番好多！」當記者問及老公林子祥（阿Lam）有否氹番她時，沙麗笑說：「佢成日都要開會，唔知我整親，你哋（記者）幫我同佢講番。」
被問到演唱會會否請嘉賓，例如好友朱玲玲？她說：「我好似冇聽過佢唱過歌，而且我自己都有好多歌要唱。」對於朱玲玲兒子霍啟剛和郭晶晶的婚期，沙麗表示未知道：「我哋上次食飯都冇提，佢連我演唱會日期都要問十幾次，可能佢自己都未知確實日期。」