張文慈潮州返港似玩命
張文慈（Pinky）前日8號風球下乘保母車到潮州登台，去程4小時下着滂沱大雨，可謂「有得震冇得瞓」，當完成工作凌晨時分驅車返港時，天氣更惡劣，香港掛起10號風球，整個旅程一步一驚心﹗
記者昨與她取得聯絡，Pinky透露：「架車被風吹到郁郁吓，前面唔係塌樹就係水浸，因為好驚會死火，司機足足搵咗十幾條路，才把我送到過關。」坐在車內的Pinky則不時拍照，記下這個「玩命時刻」。
由於其弟工作關係，Pinky返家後還要充當柴可夫，接載對方上班：「我手車不嬲都麻麻，點知一出車就有兩個大水氹，記得昨晚司機教過我要一口氣衝過去先唔會死火，我咪膽粗粗試吓囉，點知真係OK喎。」