林欣彤街頭獻亡命初吻
林欣彤（Mag）與陳家樂「撻着」，不但上演激烈床戰，還罔顧安全街頭擁吻，「愛得」相當纏綿。
Mag接拍英皇新片《DIVA華麗之後》，與陳家樂扮演情侶，二人於戲中愛得死去活來，而「經理人」杜汶澤為了「錢途」，出盡方法棒打鴛鴦。今次Mag扮演新進歌手，演來駕輕就熟，談到獻出了銀幕初吻，她說：「從來冇諗過要同邊個偶像拍吻戲，因為唔係自己可以選擇嘅。」家樂奪去了Mag的初吻，事後打趣擔心遭對方的粉絲追殺。
二人因應劇情需要，上演一幕鬧市街頭擁吻，鏡頭看似浪漫，家樂卻「有苦自己知」﹕「拍戲時唔能夠封路，錫緊都感覺到身邊車來車往，覺得驚險萬分，好似上演一幕『死亡之吻』咁，講真我絕少會同另一半喺街上做出親密行為。」而Mag亦指當眾激吻儼如表演，感覺尷尬。
如返閨房
至於戲中的多幕床戲，Mag笑指現場環境與現實生活中自己房間的擺設十分相似，有種回家的感覺，較易投入：「只係多咗個男仔喺自己間房。（演得好投入喎。）大家唔好諗得太多，我哋只係小朋友喺床上扭作一團嚟玩啫。」家樂不諱言為投入角色，甫開始已對Mag萌好感，且大讚對方是個容易叫人心動的女生。
文：影視組