宣萱怕死唔敢火山探險
宣萱昨日出席電台訪問時，透露無綫已找她商討開拍《飛虎》續集：「有傾過續約嘅問題，無綫要我簽一年！（加酬勞？）未傾到咁深入，係好初步咁傾過，連幾時拍《飛虎》續集、男主角係邊個都唔知！」提到有傳她在劇中結局將會慘死，她回應：「係咩？點會呀！死咗點拍續集呢？」
另外，她放風指王維基公司曾找她開拍旅遊節目：「佢哋想節目緊張刺激啲，想我去亞努瓦圖嘅活火山探險！因為我怕死，所以推咗，如果我後生廿年就拍！（有冇搵你拍劇？）都有傾過，但係劇本又係警匪片，我想搵啲未做過嘅角色作為離開無綫後嘅『第一炮』！」