馬國明蝦膏刷牙一口除

馬國明、陳法拉、高海寧前晚為森美、小儀主持的《千奇百怪東南亞》進行錄映。馬國明玩輸遊戲,被罰以蝦膏刷牙,但他投訴森美:「佢特登整我輸,剩係會錫住啲靚女,好彩我一陣拍劇唔使同人錫錫,個口咁臭,肯定畀人嫌棄。」

首次參加問答遊戲節目的陳法拉亦指:「我叫咗佢哋做『森儀小美』,森美點會錫住我。」她大讚今年出書的高海寧文學好,自己亦心思思想出書。對於書展被o靚模硬闖,她和高海寧都認為應為小朋友着想,而馬國明更建議:「書展下年應設成人區,揼晒啲o靚模去嗰度。」

此外,馬國明有份演出的無綫劇《回到三國》,上周平均收視達31點,最高35點,約225萬觀眾收看,成績理想,但「通訊局」卻錄得兩宗投訴,指內容粗言穢語、沒有提及正史資料。