鍾嘉欣請劇組食飯睇結局
鍾嘉欣、李綺雯（o靚妹）等昨日出席新劇《護花危情》宣傳，對於該劇上周平均收視達32點，暫為上半年最高收視劇集，一眾演員興奮非常。心情靚絕的嘉欣，透露大結局當晚會宴請同劇演員飯聚。她又指該劇是她入行8年來反應最好的作品：「出街都會有人走埋身邊，話鍾意睇我同Bosco演一對，又讚首主題曲好聽，仲有fans將首歌做鈴聲。（緋聞男友伍允龍有冇用？）唔知，你哋自己問佢啦！」對於該劇被指抄襲亞視舊劇，嘉欣表示沒有欣賞該作品。
至於o靚妹表示與拍拖年多的圈外男友感情穩定，以往愛蒲的她被問到現時是否要求穩定伴侶？她笑謂：「不嬲都係（你舊愛都唔係！）咁識佢時唔係咁，點都好啦，唔想再講以前！」