Kelly要型 季買10次衫
已為兩子之母的陳慧琳（Kelly），除育有現年三歲的「蝦餃仔」劉昇，今年三月再誕下二子「小龍包」，但已火速修身示人，早前穿上Max Mara最新秋冬裝拍照，連初次見面的意大利高層也難以相信她是兩子之母。Kelly表示坐月期間胖了不少，很多衣服也不合穿，成為她減肥的動力，她說：「要照顧兩個小朋友好需要氣力，小龍包已經15磅，抱住佢好快手軟，所以我要強化手臂同腰部肌肉，同蝦餃仔玩，又成日要追住佢踩單車，其實等同做咗帶氧運動。」
買嘢畀仔開心
向來貪靚的Kelly，照顧兩位兒子之餘，亦不忘幫自己扮靚，以往一季衫可以分十次買的她，現在一樣會照買，不過就多買了衫給蝦餃仔與小龍包，Kelly說男仔衫無太多花款，故她轉移購買玩具和兒童圖書給兒子，同樣買得很開心，她說：「以前自己啲衫褲鞋袋一定要襯到絕，依家為方便照顧小朋友，會casual啲，但都要型！我覺得做咗媽咪之後，亦唔可以無咗『自己』，我依然着重自己嘅造型，依然貪靚。」
Kelly形容現在一切以家庭和兩個兒子為大前提，但若遇上合適的工作仍會照做。現在她正籌備新碟及8月舉辦的二手衫義賣，為「陳慧琳兒童助學基金」籌款。
文：名人組