謙仔認與楊怡蜜遊韓國
剛去完韓國旅行回港的羅仲謙昨日與樂瞳出席活動，齊齊為香港運動員打氣。對於被讀者踢爆與緋聞女友楊怡蜜遊韓國，他靦覥的承認，指還有其他朋友一起外遊：「同行仲有男有女，（唔怕多人認得？）自己未去過，（預支蜜月？）私下先答啦！（韓國多整容醫生喎？）嗰邊其實好多嘢食，我買咗好多衫褲，（男裝定女裝？）男裝。（感情增進一大步？）精神就進一步！」他又不介意與楊怡以情侶檔賺錢。
至於馬德鐘曾揚言若《飛虎》收視達37點便着泳裝慶祝，謙仔聞言後表示：「得嘅……但我會着平腳泳褲！」
楊怡胞姐楊卓娜昨日宣傳處境劇時，表示不知道妹妹與謙仔同遊韓國，她說：「我知佢同媽咪、朋友去，我原本都去，不過有嘢做。我私下同佢（謙仔）飲過茶，覺得佢幾陽光同做戲好，如果阿妹鍾意都會支持佢。」
小方鄧麗欣齊赴菲國
此外，另一對情侶鄧麗欣和方力申早前同遊菲律賓被網友發現，網友在微博上載與小方合照，又大讚兩人沒有明星架子。而鄧麗欣昨亦在微博上透露在港出席歌迷會成立五周年派對，與歌迷切蛋糕和玩遊戲。
文：影視組