名模琦琦日前於活動上展示女兒Ella所畫的天鵝及燕子畫作的passport，她表示囡囡非常喜歡畫畫，而老公任達華亦常與她一同創作，她笑言：「屋企啲牆畀Ella啲顏料搞到污糟晒，成日要髹過。」
踏入暑假，琦琦表示不會為女兒報讀興趣班，反而會帶囡囡四處旅遊以增廣見聞：「今年會同佢去上海吸收中國文化，同埋去歐洲三個星期，順便去倫敦睇奧運。（華哥都一齊？）佢會去一個星期，因佢工作好忙。囡囡好期待，等到頸都長埋。（想睇咩項目？）囡囡想睇足球，老公就想睇羽毛球同乒乓波。」
