DaDa冇眼睇 赴台避峰頭

走才女路線的「百果園咪神」陳靜(DaDa),成功升呢殺入書展,不過眼見其他𡃁模愈脫愈光,不屑跟她們正面交鋒的DaDa,決定在書展首日離港赴台暫避「峰」頭,實行冇眼睇!

升呢做才女的DaDa今年以「私相簿」形式出書,記錄她的成長、收過的窩心禮物和旅行經歷,文中並分享她對友情、親情和愛情的看法,由於內容乾淨,成功得以進入書展。是次收起性感的她,照片展示她型格一面,其中一輯黑白照更是她與攝影師貪玩時拍下的,不過經理人看後大讚效果理想,故決定收錄書內。

指露得過分

對於書展後日開鑼,昨日她卻透露要避一避:「到時要避一避,冇眼睇,我會去台灣電影節,宣傳新片,我好少去台灣,都想睇吓當地觀眾啲反應,(避開啲低檔次𡃁模?)又唔覺得低檔次,但好雜亂,去到咁盡嘅話會唔會太過分?冇美感可言,寫真可以性感,但唔可以賣弄,唔可以意淫,因為會有小朋友見到,會問。」直言黃榕和許穎露得太過分,冇想過寫真要全裸,她說自己只會為代言的廣告、電影才會性感,並慨嘆:「一年比一年脫得多,下年點算?」

潑自己冷水

不過對於自己的新書《DaDa's Secret》,她直言有點擔心,更潑冷水說:「我相信賣唔出,仲叫公司唔好印咁多,都擔心冇人買,不過冇所謂啦,只係唔想公司蝕錢。」但表示已叫屋企人支持。

文:名人組