黃貫中亂發毒誓舉中指
黃貫中（Paul）一連兩場紅館演唱會前晚圓滿落幕，大肚女友朱茵依然「潛水」，但有阿Paul父親、黃耀明、王馨平、陳偉霆等捧場，而頭場沒出現的Sober Band成員林保怡突然上台，跟陳豪、黃德斌、Paul「大團圓」合唱《年少無知》。
前晚有小朋友入場，但Paul依然犯「18禁」，唱《In The Name Of Rock》時豎中指，見隊友感動落淚時，又忍不住爆粗：「超，黐×線。」最後唱Beyond的《不見不散》時，他終忍不住流淚。
唔畀朱茵出門杜偷拍
慶功宴上，Paul自辯爆粗是無心之失：「我忍唔住，唔記得拎開支咪，係衝咗一句出嚟，其實嗰句粗口係好真摯。」他笑言禁止朱茵閱報，不欲她看見其喊樣，皆因：「唔好破壞我硬漢子嘅形象。」Paul解釋朱茵沒有捧場，全因不欲被包圍寓所的狗仔隊拍照，禁出門期為她生完BB後為止。
Paul突發牢騷指首場的演唱會報道篇幅太細，令他好沮喪：「打開報紙個人醒晒，用咗6年時間籌備演唱會，手指都彈到爛晒，（篇幅）仲細過部iPhone，其實我唔係咁小器，但唔緊要，大家報道吓已經好開心。」有傳媒安撫Paul，指他有所誤會，他激動到咒自己：「當我錯，黃貫中錯晒，正×街，出街畀車車死。」發洩完後，他補充謂不介意不見報，突大聲發誓：「都唔怪你哋（在場傳媒），但唔係咁樣見報（細段）。」
文：音樂組