謙仔派定心丸 婚後會顧家
藝人羅仲謙、「警鐘胸」Jessica C.（JC）及貝安琪昨日出席活動，謙仔坦承練大隻只為事業並非溝女，他揚言結婚後會顧家及有責任感，似乎向緋聞女友楊怡發表「愛的承諾」。
昨日謙仔、JC及貝安琪齊齊出席大埔超級城活動，三人即場顯功架，表演不同的體操動作，謙仔更挑戰鞍馬、玩雙槓及向前翻等動作，而有瑜伽底子的貝安琪則輕鬆做出拱橋及頭頂倒立，贏得如雷掌聲。
JC失守左扯右拉
謙仔坦言從小十分好動，問到他健身是否為了討好女性？他說：「相士話我曬黑啲同大隻啲，事業會順利。（特別受女仔歡迎？）做演員就大隻好啲，但做男友同老公就唔係呢樣嘢，要顧家同有責任感。」問到緋聞女友楊怡高調表示求婚要低調，他亦大表認同：「少人有少人嘅浪漫，傳統嘢跪低、戒指、花都要嘅，兩個人就OK。（會唔會唔公開？）如果結婚就一定會公開，係責任心嘅問題。」
至於身穿tube dress運動衣的JC，在踩單車時不慎露出打底褲，她全程不斷拉扯裙子，坐下時又要用手按住裙襬，極不自然。事後她表示：「其實我有打底，如果我發現大家一直望住我某一個部位，我就知嗰度出事（走光）。」
無綫停廠迎奧運
而同場的體育節目主持韓毓霞，透露預定今天出發往倫敦，為無綫採訪奧運，她表示已有心理準備無法入場採訪：「入唔到場就去其他地方撞佢哋，要有多啲時間同耐性。」雖然至今奧運轉播權未定案，但無綫已作出兩手準備，除派先頭部隊到當地拍攝外，總部電視城為迎接奧運已準備前奏項目Amazing Summer，大晒冷全台60名藝人，演出三個重頭扮嘢搞笑劇目：《十月圍城》、《新朱門怨》和《新肉蒲團》等，劇組為全面配合，正在開工的新劇集明日將全面停廠。另外亦有消息指，若無綫成功爭取奧運轉播權，徐子珊亦會隨即起程，前往當地採訪。
文：名人組