鍾嘉欣抱病獻聲賀收視
鍾嘉欣、秦沛、樂瞳、李天翔等昨日現身商場為劇集《護花危情》宣傳，兼宣布收視本周最高35點。鍾嘉欣有逾百名粉絲撐場，她席間大唱主題曲和餵粉絲食麵包，雖然在唱歌前嘉欣有點不適，但表現不俗，但事後她表示不滿自己表現︰「因為有啲聲沙，我朝早都飲咗劑中藥，如果唔係把聲仲衰。（驚似阿Sa走音?）我都有喺電視睇，但我真係唔覺好難聽，我初初入行仲差，又手震又唔夠氣。」
而樂瞳回應早前被拍到與楊潮凱行街拍拖的緋聞︰「嗰次大家咁啱喺長洲收工，撞到咪一齊食嘢囉，其實嗰次朱敏瀚都喺度。」提到朱敏瀚也曾跟她傳緋聞，她說︰「我想保持單身貴族形象，有男友影到都唔會唔認，但佢哋兩個都係我好兄弟，依家我感情真空緊。」