Jeana口窒窒 認同居
o靚模何佩瑜（Jeana）昨穿三點式於旺角街頭上演洗頭騷，性感打扮的她卻老貓燒鬚「缽仔糕」滑出，認真失策！同時又隔空向男友張柏文「詐型」，透露因他的關係而畫花了玉背，問到二人是否同居時，她即口窒的說：「一時時啦！」
Jeana昨穿上三點式泳裝於旺角街頭出席洗髮用品「LSnP」的洗頭騷，吸引半百途人舉機駐足。Hot爆街頭的她卻不慎露出「缽仔糕」，更賣口乖的大讚品牌：「我怕有M字額，所以都想用番啲溫和啲嘅洗頭水，我背部有傷口都唔會覺得乸！」為品牌獻出「最激一次」的她又透露有十數萬酬勞，那男友柏文會否對她如此性感「詐型」？她即說：「我背部個傷口係佢造成o架，佢喺屋企開咗個櫃桶又冇閂到，我起身唔覺意就撞到！」那二人是否已同居？她即口窒窒說：「一時時啦！」
外界多指柏文游手好閒，問她是否要「供養」男友？她即護航謂：「梗係唔係，佢一個電話已經可以做到好多嘢，我哋各有各忙！」
寸許穎寫真似AV
今年未有加入「寫真戰團」的Jeana當聽到有𡃁模全裸上陣時即謂：「咁激呀？可唔可以唔使錢睇o架？」對於同公司的陳靜儀（Mia）的寫真被評為不雅物品，她謂：「其實都係話畀大家知入面內容啫。」其死敵許穎（Phoebe）上年與她鬥個你死我活，今年Phoebe再出寫真卻被指似AV，Jeana聞言即以三個「唔知道」暗寸對方：「可能佢喺日本返嚟啩，I don't know，（所以拍嗰本似AV？）日本出名係咩吖？I don't know，大家諗起日本一係就行街購物，一係就睇戲，I don't know！（升呢唔出寫真？）唔係，一本就夠啦！」
文：影視組