洪天明暗爆周家蔚佗B

洪天明前晚與周家蔚齊齊出席好友舉辦的品牌Komono派對，自婚後一直努力造人的他們早前盛傳追B成功，前晚見家蔚雖然穿上一字膊鬆身衫，但仍難掩微隆的肚子，孕味十足！期間周家蔚獨自走上數十級樓梯，但天明卻未有加以攙扶，天明笑謂：「我都係咁行啦，我唔擔心，咁大個人OK嘅。」

問到二人是否尚有個多月才能公布喜訊時，二人即相視而笑，及後天明即謂：「等消息啦，確定咗再通知大家，現階段睇醫生！（未恭喜得你住？）我哋啱啱結完婚都可以恭喜嘅！」天明之後又補說：「又唔可以講啲咩住，大家都明，依家等報告啦！」

李思欣直認早前與范振鋒鬧交，但二人感情有增無減。

洪金寶的馬匹奪最佳新馬獎。

思欣鬧交增感情

另一邊廂，李思欣及范振鋒卻傳出當街鬧交的報道，范振鋒聞言笑說：「反晒面呀！」而思欣在旁亦略帶尷尬解釋：「因為當日我唔係幾舒服，為咗啲小事鬧交，之後諗番都覺得好無謂。」不過二人卻不諱言鬧交的確能增進彼此感情，思欣望着老公撒嬌說：「希望鬧完交之後你會錫我多啲啦！」

而提及店舖，范振鋒指老闆周志豪是他結婚時的伴郎，更大讚對方叻仔，而前娛樂主播鄭嘉雯則於店內幫忙打點，猶如女主人的她甜笑透露：「呢間舖頭係我未婚夫開嘅，我哋會喺今年十二月五日結婚，不過除咗訂咗酒席之外咩都未準備呀！」

洪金寶馬匹奪獎

此外，洪天明老竇洪金寶事隔多年再度養馬，名下「崇山寶」今季出道以來未輸過，早前被喻是短途馬王接班馬，結果昨日奪賽馬會冠軍人馬獎的最佳新馬獎。

文：影視組