Naomi隆胸玩尿 投靠宅男
曾與李思捷傳緋聞的o靚模Naomi（馮鎵瀠），昨日以超Deep V出席寫真發布會，上圍明顯比前豐滿的她承認隆胸，由B級變C級，她又透露在寫真集內全裸上陣，更有大膽騷乳環及上廁所的相片，看來Naomi想拋開舊情，打造全新Cup數再度出擊！
昨日Naomi舉行寫真發布會，身穿Deep V長裙的她大騷事業線，身材明顯比之前更有睇頭，Naomi坦承接受了隆胸手術：「我做咗抽脂隆胸，將上下腹同後腰脂肪抽出，再移植到胸部，我仲想做大啲，不過唔夠脂肪，我會計劃再整，依家由B變C，做完唔痛唔硬，其他女仔可以試吓。」
全裸玩摩天輪
Naomi又透露為了今次寫真，專程走到台灣找前棒棒堂成員Elmo為她操刀：「佢會以第一身角度拍攝，扮係我男朋友，佢仲會下半身出鏡，我哋又去咗Motel（旅館）拍，冇尷尬，佢一除衫，我就嘩一聲，好fit！我仲會喺透明摩天輪度全裸，亦有騷乳環嘅相，就連去廁所都有影低，原本我諗住扮去緊，但Elmo話真係屙先夠真。」Naomi更坦言對Elmo有好感，希望有發展機會。
食多咗安眠藥
至於會否送寫真給李思捷？Naomi表示：「想送畀你哋（記者）多啲，我同佢冇聯絡，大家搞到咁唔開心，意思係傳媒寫到咁唔開心，佢係好叻嘅演員，專注工作，好努力。」此外，早前有指她為情自殺，Naomi就借機澄清：「我冇自殺，之前負面新聞太多而唔開心，結果飲醉咗，後尾失眠我食安眠藥，但醉咗食錯分量，前經理人見到我嗰時我係頭向地，腳向上，結果入咗醫院3日。（思捷有冇問候你？）唔講啦，人哋咁開心，唔想影響佢，都唔知佢仲當唔當我係朋友。」
文：名人組