陶大宇輕鬆上陣冇失威
世界級桌球手「白旋風」韋德日前訪港獻技，娛樂圈中桌球好手陶大宇被邀請與他「較量」進行了一場表演賽，大宇笑說對方要不是留手，他根本冇機會埋枱，但Jimmy卻讚大宇球技不錯：「我剛落機要Warm Up，但我已全力以赴！」
陶大宇與世界級桌球手「白旋風」韋德（Jimmy White）日前進行了一場公開表演賽，高手過招並無火藥味，反之互相讚賞，期間Jimmy更與大宇研究球棍的重量，可謂惺惺相惜；現場亦有不少球迷圍觀及喝采，場面熱鬧。
面對世界級球手，大宇今次「出戰」，並沒有抱着輸贏心態，純粹享受他對這項運動的過程；而分數方面，幸未被Jimmy拋離，總算為自己挽回面子。
與偶像切磋興奮
而大宇今次能接觸這位兒時偶像，心情亦感興奮：「可以同Jimmy打波，係一個好好經驗同回憶，好難得！」由於二人被大會安排作首場表演賽，當落場時大宇稱很輕鬆：「我好enjoy過程，同佢一齊打可以學嘢，（表現？）一般啦，可以打好啲，但最近忙於返內地做商演冇時間練波，我都係啱啱落機，不過，Jimmy如果係認真打，我根本冇咁多Chance（機會），因為佢有『快、準』美譽！」
Google大宇資料
事後記者向Jimmy了解是否讓賽，他強調是全力以赴，並讚大宇球技不錯：「當陶先生出場一刻，我見很多人跟他拍照、握手和歡呼，我便知他是一個特別的人，當我們完成球賽後，我看得出他很愛桌球這個運動，亦打得幾好，（讓賽？）不會，我剛落機要WarmUp，我已全力以赴！（知他是藝人？）我後來才知道，亦很興奮地Google他（上網查他資料）！」
文：影視組
攝：吳文聰