亢帥克唔怕同羅力威爭獎
於09年參加「亞洲星光大道」奪亞軍的亢帥克，等了3年終推出處男唱片，他感激Maria Cordero（肥媽）肯出錢投資：「好多謝肥媽畀機會，咁差嘅市道都肯投資喺我身上，證明佢對我有信心，好希望可以攞到新人獎，為星光家族爭光。」
問肥媽對他有甚麼提點？亢帥克坦言：「肥媽話呢行靠運氣，仲話我性格太內斂怕醜，肥媽話就算唱得再好，唔識搞氣氛都差啲，肥媽好有威嚴，我有啲驚佢，每次見到佢都好緊張，不過佢好錫我哋。」
同是星光幫出身的羅力威加盟英皇，並有機會亮相大台無綫，問亢帥克有冇羨慕？他笑說：「唔會，我都有唱片出啦，唔怕比較，我哋風格唔同，佢靚仔啲賣才華，自己係實力派賣聲，一齊爭新人獎都冇壓力，我對自己有信心。」