湛琪清地獄特訓誓減10磅
決意跟表姐汪詩詩一樣擁有fit爆身材的湛琪清（Jessica），早前下定決心作地獄式減肥特訓，除控制飲食外，更請星級健身教練出手，希望能於幾個月內減走10磅byebye肉。
汪詩詩表妹模特兒湛琪清自小於外國長大，她自言非常為食，更是一名零食狂，故一直擁有byebye肉，為脫離「肥妹」行列增加工作機會，早前她便的起心肝去做健身，並找來星級教練Brian幫手，進行地獄式減肥特訓。
當日Jessica於教練指導下舉啞鈴、跑步等多項健身動作，不消半小時她已做到汗流浹背，完成首課操練後，她顯得非常吃力。事後她直言早有減肥計劃，現在下定決心實行，她揚言要一個月減到至少六磅，她說︰「我都想健康點，之前好少做運動，如果係以前叫我去做，一定會好辛苦，依家真係要做多點，一個月應該可以畀人見到效果。」
減肥唔靠節食
原來Jessica曾經嘗試節食減肥，希望食少點可以控制體重，但當然最後事敗，她說︰「之前以為減肥只要唔食嘢，或者食少啲就可以，再唔係就食吓零食當正餐，但結果惡化，真係一個噩夢。」故她現在除做運動外，亦非常注意飲食，決定向零食說不，以減走10磅byebye肉為目標，她說︰「就算我做完運動都唔會即刻食嘢，一定會控制飲食，決心要減10磅。」不過她卻不願公開其磅數，笑言這是女生私隱呢！
文︰專案組
攝︰司徒國榮
場地︰360