羅大佑紅館1騷 志在敍舊

對於充滿集體回憶的香港人來說，《皇后大道東》、《東方之珠》、《天若有情》等名曲也一定不會陌生，因它們都是由台灣著名音樂人羅大佑所創作的！

8年前，羅大佑在香港舉行了演唱會，8年後的今年，他再踏上紅館，並於今個月底再度為觀眾獻聲！而問他為何只唱一場，他就自謙地說：「唔紅囉，一場得o架啦！始終我都係作曲人，唔係歌手，不過呢場演唱會對我幾重要，仲可以見番啲老朋友！」

羅大佑在90年代初來港搞音樂，又曾斷斷續續居港12年，近來更定居香港，可算是半個香港人，問他香港哪一個地方最有感覺？他就表示對跑馬地情有獨鍾：「跑馬地比較有趣，雖然好多人住，感覺好旺，但又曾經試過大火。當中又有醫院同墳場，生老病死喺呢度，而且賭錢嘅人亦都住喺度！」

香港樂壇不利音樂人

有人說香港樂壇已死，音樂人羅大佑亦有一番獨特見解：「台灣有好大空間同時間消化好多嘢，但香港空間小，而且時間太趕，對於做音樂相當不利，不過香港卻訓練出好好嘅填詞人，好似黃偉文、林夕等！」

文：專案組