黃翠如恨孖鄭少秋鬥戲

黃翠如過往在有線及Now主要是擔任主持工作，除了是娛樂節目主播外，又曾到世界各地拍攝旅遊節目，但原來她一直最恨拍劇集，自認是超級電視精的黃翠如說：「唔係過咗嚟無綫先賣口乖，自己係睇無綫嘅劇集大，我又唔鍾意出街，所以由細到大都係黐住電視，到依家無綫播嘅三線劇我都全部睇晒。」

近年黃翠如享受周遊列國拍攝旅遊節目，在別人眼中會認拍攝工作奔波勞碌，她反而找到安全感，她說：「自己做咗幾年旅遊節目，摸到觀眾鍾意睇乜嘢，所以好享受拍攝嘅過程，做起嚟好有信心、感覺好舒服。」

黃翠如讚秋官在《心戰》演得好。

黃翠如曾任旅遊節目主持，足迹遍布世界各地。（資料圖片）

一試功力

今次轉投無綫，黃翠如不諱言想試試自己的功力，加上屬電視精的她當然希望一圓拍劇之夢，她說：「加入TVB是懷着戰戰兢兢心情，自己好好運，工作上一直都有得選擇，我會加倍努力。」

標準粉絲

身為無綫劇集標準粉絲的黃翠如，最希望有機會與鄭少秋合作拍劇，她說：「剛播完的劇集《心戰》，自己一直有追睇，秋官做戲做得好神似，扮乜似乜，好好戲，最希望有機會同佢拍劇。」

採訪：影視組

攝影：劉智源

服裝、場地：Ted Baker