葉熙祺崇拜軒仔 向紅館進發
內地新進歌手葉熙祺打算來港發展，熱衷唱歌的她接受《娛樂on Show》主持周吉佩訪問時，即席大顯歌喉唱兩嘴，她指讀書時代已崇拜同樣來自廣州的歌手張敬軒，望有日可以跟他一樣進軍紅館！
「翻版張韶涵」葉熙祺（AnnaKay）為內地人氣女歌手，她除了唱歌外，亦有拍電影及電視劇作三棲發展，日前她接受《娛樂on Show》主持周吉佩（吉吉）訪問時，更即席以「Opera」腔唱歌露兩手，聽到吉吉出耳油！別看她斯文嬌滴滴，之前她推出的歌曲《斷翼天使》搖滾味濃，音域廣，又多高音難唱部分，問到為何來港發展？她直言自己好鍾意香港，並視同樣是廣州人的張敬軒為奮鬥目標：「我喺學校已經好崇拜佢，細細個已經聽佢唱歌！我都想好似佢咁樣發展，終有一日進軍紅館，不過呢個係較遙遠嘅目標。」
新一代「鬼后」
葉熙祺自從亮相無綫綜藝節目《五覺大戰》就開始多港人認識，有網民甚至來個大起底，封她為新一代「宅男女神」，其實她除了外表、衣着及打扮吸引外，對自己的實力及唱功亦有信心：「我今年會出廣東話歌，希望到時可以搞演唱會見吓香港粉絲。」近來她與林心如及惠英紅等前輩合作新的驚慄片《繡花鞋》，她大讚林心如為人友善無架子：「佢好似細路仔，好為食，最鍾意食零食。」之後她又接拍了另一套驚慄片，大可做新一代「鬼后」！
文：專案組