王梓軒開騷借莫文蔚過「橋」
唱作歌手王梓軒（Jonathan）將於下月開處男騷，好友莫文蔚（Karen）擔任星級幕後製作顧問，凡事親力親為的Karen並不是掛名撐場，而是真的給予很多意見，還頻頻跟Jonathan開會度橋，令他感激不已。
初次開騷的Jonathan十分緊張，幸得Karen提供寶貴意見，他說：「Karen有好多舞台經驗，有part我諗住表演小提琴，但Karen話太單調，提議我邊拉小提琴邊跳舞，帶畀觀眾驚喜，好似classical加少少hip hop咁，真係好主意。」
至於歌曲方面，Jonathan亦會翻唱其他歌手的金曲：「好似陳奕迅、方大同、蕭敬騰，呢三位都係我非常喜歡嘅歌手，我諗緊好唔好直接挑戰原裝版本，定係重新編曲180度改變，將rock歌變慢版或快版，相信一定好好玩。」