羅力威情迷祖兒 冇膽表白
羅力威的偶像正是大師姐容祖兒，可是他天生怕醜，加盟英皇至今仍未夠膽向「女神」表白，他說：「我唔敢奢望可以同祖兒合唱，只要師姐唔嫌棄我啲歌，我已經好開心。」
羅力威自加盟英皇唱片公司後，歌唱事業更上一層樓，下月將於九展舉行一連五場演唱會外，亦於上月底推出新碟，而他下一個目標，就是望得祖兒垂青：「希望大師姐唔會嫌棄我嘅作品，肯用我作嘅歌啦。」
原來祖兒的歌一直陪伴羅力威成長，就算當年他到新西蘭升學時，亦經常越洋搜尋偶像的新歌，問他喜歡祖兒甚麼？羅力威說：「祖兒把聲，同對工作嘅熱誠，我真係要向大師姐好好學習。」
喜獲基仔垂青
羅力威雖然在公司及活動上多次遇見祖兒，惜他怕醜關係，曾多次錯過交談機會，他說：「我只敢同祖兒打招呼咋。」問他可鼓起勇氣送歌給祖兒？他說：「我都想，但唔敢，都唔知佢鍾唔鍾意，不過最開心係師兄基仔（古巨基）要咗我作嗰首歌。」
羅力威很感激歌迷三年來的愛戴，皆因每逢出碟、舉行演唱會或出席活動，歌迷們必定出錢又出力，連其經理人都驚嘆歌迷的威力，羅力威話：「經理人話歌迷好犀利，我任何產品都可以喺好短時間內掃清光，佢哋嘅威力仲勁過蝗蟲喎。」
採訪：音樂組