連詩雅惹火 冇仔陪出街
歌手連詩雅（Shiga）日前剛度過24歲生日，跟好友楊愛瑾（Miki）、董敏莉（Monie）和同事們慶祝，雖然Shiga近期桃花旺盛，但當日卻不見緋聞男友周柏豪現身，Shiga坦言容易惹緋聞，冇男仔願意陪她出街。
Shiga日前被本報影到分別跟同門師兄周柏豪、音樂人陳考威（Gareth）出雙入對，桃花處處開，不過，剛度過24歲生日的Shiga，日前相約公司同事打邊爐慶祝，出席者除老闆是男人外，其他清一色女生包括Miki、Monie和鍾浠文，師兄柏豪卻沒有為壽星女祝賀，Shiga說：「佢發燒嚟唔到呀，不過佢人唔到禮到，仲買咗飛睇我同Monie做嘅舞台劇，真係好捧場。」
食藥食到怕
Shiga死口不認跟柏豪拍拖，強調兩人只是師兄妹關係，還大發嬌嗔說：「真係冇人追我呀，我依家冇晒男性朋友，影親都傳緋聞，都冇男仔肯同我出街，不過呢兩年我都唔諗住拍拖，希望工作為先。」Monie聞言即抵死祝她早日找到真命天子，激到Shiga紮紮跳。
至於生日願望，Shiga坦言唔要桃花：「希望身體健康，自己成日病，好易有傷風感冒，可能之前keep fit狂做運動少食嘢，搞到身體差咗，一個月要睇幾次醫生，真係食藥食到怕晒！」
工作排到9月的Shiga，問會否忙完後向公司申請大假休息？她扁嘴說：「5月放咗大假去歐洲，公司話嚟緊呢2年都唔畀我放大假呀。」
文：音樂組