黃日華父女檔索價合理
黃日華昨與22歲女兒黃芷晴（Adrian）簽約城市電訊（CTI），父女將合作八月新劇，演特異功能人士齊齊查案。「城電」主席王維基特別在酒店舉行簽約儀式，又孝敬華哥老火靚湯。曾炮轟無綫刻薄的華哥大感公司誠意，他說：「我以前簽約（無綫）只喺辦公室，未試過酒店簽約，好新鮮！（高價加盟？）合理啦！（幫個女爭高價？）冇，新人錢唔係最重要，反而係吸收經驗，（會鬧？）唔會，盡力畀意見，教女睇劇本，（提點？）一定唔可以準時，係要早到！」
模特兒出身的Adrian，沒有善用專長當𡃁模或學世叔伯女兒湯洛雯般選港姐入行走捷徑，反而踏實簽約拍劇，與城電簽三年經理人合約，Adrian稱演戲是興趣，後才爆因父親不准選美，莫講當o靚模，更將Facebook內所有相刪除以保私隱。