蔡少芬緬懷好友 不提舊事

娟妹生前待人以誠，一班知心好友昨日懷着沉痛心情到場悼念。與娟妹情同姊妹的蔡少芬與老公張晉齊齊現身，神情哀傷的她被問與娟妹有何難忘事？張晉代答：「唔講住，嚟緬懷。」另一好友廖安麗則表示其已出家的前夫葉青霖已知娟妹離世，並正打算將他曾拍過娟妹的照片集給成一本相集，送給娟妹老公劉志敏。
蔡少芬與老公張晉到場送別娟妹。
蔡少芬與老公張晉到場送別娟妹。

張崇德、劉美娟夫婦表示：「娟妹好似天使，兩年前知道（患癌）已有準備，但比想像中急咗。好唔捨得佢走，要時間接受。我哋一班弟兄姊妹錄咗好多說話畀佢，佢都聽咗，因為唔想喺上天國先聽。（有傳娟妹捐咗廿萬畀教會。）唔清楚，問番佢家人。」張衞健則指雖然大家都不捨得娟妹，但對方以積極態度面對死亡，帶出好榜樣。

  • 放大圖片
張崇德與劉美娟坦言難捨娟妹離開。
  • 張崇德與劉美娟坦言難捨娟妹離開。