歌手吳雨霏（Kary）昨日出席電台主辦的音樂會記招，透露到時會大唱快歌，表演勁歌熱舞。而她早前接受有線訪問時，談到新歌《告白》，坦言對男友說過善意的謊言：「因為唔想對方唔開心。如果有拍過拖，我覺得唔需要收埋，總之無咩所謂。」
至於跟Kary傳過緋聞的林德信，昨出席校園活動，對於Kary翻撻網球王子洪立熙，問有否送上祝福？他說：「冇啦，呢啲係佢私人事！（搶番佢？）唔啦，都唔關我事嘅！」
