霆鋒夠牙力打頭陣
英皇歌手張致恒（Steven）密謀執導短片參賽，碌爆人情卡邀各方好友亮相，謝霆鋒二話不說拔刀相助，認真唔話得。此外，霆鋒前晚被發現現身銅鑼灣，放下平日酷爆形象，企街「呃水吹」。
Steven所執導的紀錄短片只三、四分鐘，不過他卻對此看重非常，計劃花整月拍攝。短片背後意義任重道遠，望帶出問題讓觀眾反省及反思，Steven打算邀請逾60位友好參與拍攝，打頭陣的原來是大師兄霆鋒！
據悉，Steven有感榮升CEO後的霆鋒口才更見伶俐，加上身為偶像的他言行具一定影響力，故膽粗粗開口向霆鋒攞期，想不到對方即首肯，身體力行予以無限量支持，令Steven相當感動。談到自己的「BB」，Steven謂：「其實喺條片中，霆鋒最終都只會亮相幾秒，至於成件事依家唔想講太多，等時機成熟啲先啦。（仲有邊個會幫手？）保密，但有啲唔係名人囉。（你自己呢？）都會，可能擺到最後啦。」
遇外景隊企街吹水
另外，霆鋒前晚現身其銅鑼灣公司樓下，適逢當時李連杰主演新片《不二神探》亦在附近拍攝吊威吔特技場面，霆鋒遇上相熟工作人員，即「陳奕迅上身」呃水吹，同場現身的還有車婉婉，眾人表現相當雀躍。雖然氣溫接近30度，但一身衞衣打扮、戴上帽子的他看來「耐熱」非常，成功「吹水」一輪後，霆鋒才依依不捨道別上樓，繼續工作。
文：影視組
攝：追蹤組