印度籍演員喬寶寶在港土生土長，事業發展不俗，由於他的細仔脊椎出現嚴重問題，在港屢醫不好，去年9月決定送細仔到英國醫治，由於簽證問題，喬寶寶為太太申請特區護照，以便赴英照顧細仔，怎料卻遭駁回，原因不明！喬寶寶對此大表疑惑說：「我太太居港22年，有永久居民身份證，唔明點解唔批特區護照，對有關方面嘅決定充滿疑問，因為老婆真係好急切需要去照顧患病嘅細仔，依家我只好搵英國嘅律師搞緊件事，我喺香港就搵緊議員同平機會幫手。」
喬寶寶續稱，若果申請不到特區護照，擁有居英權的他便要放棄香港的事業，到當地坐至少三年移民監：「過去我至少坐三年移民監，太太先可以留喺英國，咁我就要退出香港娛樂圈。我成日登台，三年損失唔止三百萬元，對我哋嘅生活有好大影響。」