阿嬌吳克羣 合唱遭抹黑
英皇藝人鍾欣桐（阿嬌）日前在台灣被指穿上印着「Giant Cum」意淫tee誘歌手吳克羣，阿嬌經理人霍汶希（Mani）昨日直斥有人胡亂報道，原來阿嬌跟吳克羣有首合唱歌，阿嬌專程到台灣拍攝MV，當晚是吳克羣的唱片老闆宴請阿嬌吃飯答謝，同場還有英皇宣傳人員，Mani說：「亂咁寫，點解唔求證？咁樣抹黑阿嬌影響其形象，好唔公道、唔公平。」
身穿意淫Tee的阿嬌自嘲英文水平欠佳，根本不懂得那兩個英文字意思，Mani說：「佢都冇意識到，件tee係人哋送，佢覺得靚咪着，阿嬌話下次會小心，唔識嘅英文會查字典。」Mani表示阿嬌也為此事不開心，自知惹火的她覺得抱歉，因為合唱歌原先是保密，如今影響到別人宣傳計劃，Mani表示：「阿嬌同吳克羣完全是工作上形式接觸，唔涉及私人感情。」