黃榕反擊許穎把口賤

黃榕前晚出席好友生日派對，問她早前在郊外全裸拍寫真，有可能犯下在公眾地方赤身露體罪一事，黃榕解釋照片是在三亞拍攝：「我哋租用咗當地嘅Villa同泳池，三邊都用黑布遮住，後面就係斜坡，唔會嚇親人，亦唔會觸犯法例。」提到被許穎（Phoebe）寸她多讀兩年書，黃榕即大動肝火說：「我只係喺森林擺靚甫士影靚相，佢上年嗰本（寫真）有揸胸同扯低自己條底褲嘅相，如果佢覺得我本書有問題，唔該佢睇番自己本書先話人。佢話佢自己係大學生吖嘛，如果係讀咁多書，人品應該好啲，把口唔好咁賤！（Phoebe比你Cheap？）都係，佢好無禮貌，做好自己唔一定要攻擊其他人。」