鍾采羲酒精中毒 漏夜入院
o靚模「爆E超蓮」鍾采羲（Iris）日前到中環預祝老友唐貝詩（Lydia）生日，Iris坦言沒有飲好多酒，但竟然酒精中毒，要漏夜入院留醫吊鹽水。出事後大驚的她懷疑飲了遭人加料的飲品，以後再也不敢接受陌生人請的飲品！
寇鴻萍大女Lydia昨日正日生日，前晚舉行24歲生日派對，其母及繼父梁廷鏘、胞妹唐貝欣也有出席。本來答應出席的鍾采羲（Iris）卻因酒精中毒而甩底，原來Iris日前率先為Lydia慶祝生日，因酒精中毒而入院，問Lydia當日Iris是否飲了很多酒？她說：「我唔知佢係咪飲好多，因為我早走咗，但我有安排朋友照顧佢，知道佢平安返咗屋企，可能佢之後個胃都係頂唔順啦，唔係好嚴重，已經出院，我下次會睇實佢，唔畀佢飲咁多酒。」
天旋地轉就快死
記者昨日致電慰問Iris及了解情況，她說：「上星期六我哋去中環同Lydia預祝生日，幫佢頂咗幾杯酒，唔知係咪飲咗假酒，又可能係杯酒畀人落咗嘢，飲錯嘢，我返屋企嘅途中已經好唔舒服，感覺就快要死！我從來都冇試過咁辛苦，個頭就要爆炸，覺得天旋地轉，好驚。醫生話我係酒精中毒，要我留院一日，吊足一日鹽水，依家冇事喇。（飲咗陌生人畀你飲嘅嘢？）係呀，我哋出吧枱坐時，有男仔走埋嚟請我哋飲酒，我覺得好大機會落咗嘢，以後我都唔會再飲陌生人請嘅嘢！」
Lydia願望搵靚仔
至於壽星女Lydia的生日願望，是希望找個錫她的男朋友，二人要夾得來，最好是靚仔。問到舊愛、毛玉萍兒子Eric有冇致電或傳短訊祝賀她？Lydia則冷淡地說：「冇呀！睇吓過咗12點會唔會收到。」她稱沒有邀請對方來Party，二人已沒有聯絡。
文：名人組