莫文蔚Pat Pat開窿放瘀血

昨日莫文蔚、丁子高及觀瀾湖集團副主席朱鼎耀齊齊出席2012觀瀾湖世界明星賽香港記者會暨展覽會開幕儀式。早前被的士撞傷的Karen開腔親述當時情況︰「當時打緊三號風球，我過馬路，有架車撞埋嚟，我本能反應用手擋住，之後成個人彈開跌落地。」她慶幸只是跌落地時撞瘀臀部，屬皮外傷，她說︰「我畀過老公睇我嘅瘀痕，有我塊面咁大，坐低都痛，只可以側身瞓覺。」

拍戲有陰影

Karen續稱由於側身睡以致其中一邊臀部積了大量瘀血，最後要由醫生為她放瘀血︰「要開個窿放血，放咗200cc血。」Karen笑指自己放完血後便繼續開工。問到戲中有否動作場面？她說︰「無太激烈嘅動作戲，但有飛車追逐，其實當時啱啱畀車撞完都有啲陰影，但導演畀咗好大嘅能量我，所以我都克服咗。」另外，提到前男友馮德倫被拍到與舒淇遊日本，Karen笑言沒有留意，亦不清楚二人是否拍拖。

囝囝大便多

同場的丁子高獲大會送贈BB高爾夫球套裝，有指BB十八個月大就可以開始學打高爾夫球，他稱囝囝身形肥大，相信不用十八個月便可以開始學︰「囝囝雖然一個月大，但似三個月嘅身形，千嬅抱佢抱到甩手骹，佢十分鐘就飲完一餐奶，好似打開咗個喉嚨咁。」之後他又大爆囝囝屙得︰「有次同佢換片，佢先向我射尿，差不多換好又連屙咗兩次屎，仲要好似瀑布咁，都唔知佢食乜，可以屙咁多。」非常搞笑！

文：名人組