亞姐打真軍 封殺缽仔糕
今屆亞姐正式招募，鑑於過往不少入選佳麗利用「缽仔糕」將上圍墊高加強效果惹投訴。今年大會規定佳麗要真材實料見人，杜絕「缽仔糕」！
亞洲小姐黎燕珊率領許瑩、王欣、馮雪冰、筱靖等十多名歷屆亞姐，出席昨日《ATV2012亞洲小姐競選》全球招募啟動禮。由於往年不少佳麗在參選過程中，身材變幻無窮奇峰突出，令部分佳麗惹投訴。有見及此，亞洲電視高級副總裁葉家寶透露，今年會推行「四高一NO」政策：「我哋要求佳麗『四高』閱歷高、身高、智商高和情操高；『一NO』就係唔准用缽仔糕加墊，要真才實料見人！」對於「後天」的美女，他表示難以檢測確定佳麗是否曾「加工」，故只要是美女便可以參加，年齡不設上限，但必須年滿16歲，60歲若質素好都歡迎，不過結過婚的女士就謝絕參選。
學港姐玩真人騷
今屆亞姐亦會效法港姐以「真人騷」方式舉行，但過程未如港姐般殘忍分段淘汰。至於近年亞姐冠軍均為內地佳麗，首屆冠軍黎燕珊直認內地女子質素較高，可能香港女仔經歷較少：「呢一行利誘較多，希望小師妹都可以把握每個機會發展事業。」筱靖則贊成禁用缽仔糕：「因為可以令每個佳麗公平情況下參選，亦可以減低佳麗之間不和的機會。」問到若60歲會否參加，她說：「如果夠靚都會㗎，都60歲仲有咩輸唔起！」而黎淑賢透露細仔剛剛5個月大，四子相處融洽：「我唔想成日喺屋企，想做啲有意義嘅事，所以加入咗仁美清叙，老公反而緊張咗我，成日問我幾時返。」另外，2010季軍劉曉智前晚在亞視55周年台慶中，獲亞視投資者王征熱情打招呼，她說：「老闆對每個都一樣，禮貌而已。」
文：影視組